தனியார் பள்ளிகளுக்கு மே மாத இறுதிக்குள் புதிய கல்வி கட்டணம்.

தமிழ்நாட்டில் உள்ள மெட்ரிகுலேசன், நர்சரி உள்ளிட்ட தனியார் பள்ளிகளில் படிக்கும் மாணவ-மாணவிகளுக்கு கல்வி கட்டணத்தை ஓய்வு பெற்ற நீதிபதி சிங்காரவேலு தலைமையிலான குழு விசாரித்து நிர்ணயித்து வருகிறது. இந்த கல்வி கட்டணம் 3 வருடம் அமலில் இருக்கும். பள்ளிக்கூட கட்டிடம், வகுப்பறை, ஆசிரியர்களின் எண் ணிக்கை, உள்ளிட்ட கட்டமைப்பு வசதிகள் அடிப்படையில் மாணவர்களுக்கான கல்வி கட்டணம் நிர்ணயிக்கப்படுகிறது. ஏற்கனவே கல்வி கட்டணம் நிர்ணயிக்கப்பட்ட 10 ஆயிரத்திற்கும் மேற்பட்ட தனியார் பள்ளிகளுக்கு 3 வருட கால அவகாசம் வருகிற மே மாதம் முடிவடைகிறது. எனவே அந்த பள்ளிகளுக்கு புதிதாக கல்வி கட்டணம் நிர்ணயிக்கும் பணி வருகிற ஜனவரி மாதம் தொடங்க உள்ளது.

Comments