பகுதி நேர ஆசிரியர்களுக்கு ஊதிய உயர்வு - ஜக்கையன் கோரிக்கை

பகுதி நேர ஆசிரியர்களுக்கு ஊதிய உயர்வு - ஜக்கையன் கோரிக்கை மானியக் கோரிக்கை விவாதத்தில் அ.தி.மு.க. உறுப்பினர் ஜக்கையன் (கம்பம் தொகுதி) பேசும்போது, “பகுதி நேர ஆசிரியர்களுக்கு ரூ.7,700 என்ற வகையில் ஊதியம் வழங்கப்பட்டு வருகிறது. அதை ரூ.15 ஆயிரம் என்ற அளவுக்காவது உயர்த்த வேண்டும். மேலும், தொலைதூரத்தில் அவர்களுக்கு பணி வழங்கப்பட்டுள்ளது. அதை அருகில் உள்ள பள்ளிகளுக்கு மாற்ற வேண்டும்” என்றார். அதற்கு பதில் அளித்த அமைச்சர் கே.ஏ.செங்கோட்டையன், “பகுதி நேர ஆசிரியர்கள் வாரத்திற்கு 3 நாட்கள் வீதம் தினமும் 2 மணி நேரம் மட்டும் பணிபுரிகிறார்கள். அவர்களின் ஊதிய உயர்வு தொடர்பாக, மத்திய அரசிடம் கோரிக்கை வைக்கப்பட்டுள்ளது. ஆனால், மத்திய அரசு செவி சாய்க்கவில்லை” என்றார்.

Comments