ஆசிரியர்கள் நியமன தேர்வு பற்றிய அறிவிப்பு அடுத்த மாதம் வெளியாகும் அமைச்சர் செங்கோட்டையன் பேட்டி.

ஆசிரியர்கள் நியமன தேர்வு பற்றிய அறிவிப்பு அடுத்த மாதம் வெளியாகும் அமைச்சர் செங்கோட்டையன் பேட்டி. ஆசிரியர்கள் நியமன தேர்வு பற்றிய அறிவிப்பு அடுத்தமாதம் (செப்டம்பர்) வெளியாகும் என்று அமைச்சர் கே.ஏ.செங்கோட்டையன் தெரிவித்தார். சென்னை கோட்டூர்புரம் அண்ணா நூற்றாண்டு விழா நூலகத்தில் பள்ளிக்கல்வித்துறை அமைச்சர் கே.ஏ.செங்கோட்டையன் நேற்று பேட்டி அளித்தார். அப்போது அவர் கூறியதாவது:- எல்.கேஜி., யு.கே.ஜி. வகுப்புகள் மாதிரிபள்ளியான எழும்பூரில் உள்ள மாநில மகளிர் மேல்நிலைப்பள்ளியில் தொடங்கப்பட்டுள்ளது. தொடர்ந்து 32 மாவட்டங்களிலும் நடைமுறைப்படுத்த நடவடிக்கை எடுக்கப்பட்டு வருகிறது. மேலும் தமிழகத்தில் உள்ள அனைத்து பள்ளிகளிலும் மாதிரி பள்ளிகளை நிறுவ பரிசீலனை செய்யப்பட்டு அதற்கான நடவடிக்கைகள் எடுக்கப்படும். தற்போது நீட் தேர்வு தொடர்பாக ஆசிரியர்களுக்கு பயிற்சி வழங்கப்பட்டு வருகிறது. அதனை தொடர்ந்து விரைவில் மாணவர்களுக்கு பயிற்சி வழங்கப்படும். அரசு பள்ளிகளில் ஆசிரியர்கள் நியமிக்கப்பட உள்ளனர். எனவே போட்டித்தேர்வு வர உள்ளது. போட்டித்தேர்வை எழுதுபவர்கள் ஆசிரியர் தகுதி தேர்வில் (டெட்) தேர்ச்சி பெற்றவர்களாக இருக்கவேண்டும். இதற்கான அறிவிப்பு ஆசிரியர் தேர்வு வாரியம் சார்பில் அடுத்த மாதம் (செப்டம்பர்) வெளியிடப்படும். இவ்வாறு அமைச்சர் கே.ஏ.செங்கோட்டையன் தெரிவித்தார்.

1 comment:

  1. VITEEE 2019: Eligibility Criteria, Admit Card, Result, Application Form, Counselling, important dates. Get the full details of VITEEE 2019 here.

    ReplyDelete

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||