மத்திய அரசு பணி: 1,136 காலி இடங்களை நிரப்ப நடவடிக்கை தேர்வுக்கு விண்ணப்பிக்க 30-ந்தேதி கடைசிநாள்

மத்திய அரசின் பத்திரிகை தகவல் மையம்(சென்னை) வெளியிட்டுள்ள செய்திக்குறிப்பில் கூறியிருப்பதாவது:- மத்திய அரசின் பல்வேறு அமைச்சகங்கள், துறைகள், அமைப்புகள் ஆகியவற்றில் 1,136 காலியாக உள்ள பணியிடங்களை நிரப்புவதற்கு மத்திய அரசு பணியாளர் தேர்வாணையம் நடவடிக்கை எடுத்துள்ளது. அதன்படி, 130 பிரிவுகளைச் சேர்ந்த இந்தப் பணியிடங்கள் கணினி அடிப்படையிலான தேர்வு முறையில் நிரப்பப்பட உள்ளன. இந்த தேர்வு குறித்த தகுதி விவரம் மற்றும் இதர நிபந்தனைகள், விண்ணப்பப்படிவம் www.ssc.nic.in என்ற ஆணையத்தின் வலைத் தளத்திலும் www.sscsr.gov.in என்ற தெற்கு மண்டல அலுவலகத்தின் வலைத்தளத்திலும் கிடைக்கும். இதில் தென்மண்டலத்திற்கு மட்டும் 13 வகை பணியிடங்களில் 55 இடங்கள் ஒதுக்கப்பட்டுள்ளன. இந்த காலிப்பணியிடங்களில் 8 பட்டதாரி நிலையிலும், 4 மேல்நிலை வகுப்பு நிலையிலும், 1 மெட்ரிக் நிலையிலும் இருக்கும். விண்ணப்பதாரர்களில் பெண்கள், தாழ்த்தப்பட்டோர், பழங்குடியினர், முன்னாள் ராணுவத்தினர், மாற்றுத்திறனாளிகள் ஆகியோருக்கு விண்ணப்ப கட்டணம் செலுத்துவதில் இருந்து விலக்கு அளிக்கப்படுகிறது. தகுதி உள்ள விண்ணப்பதாரர்கள் ‘ஆன்-லைன்’ மூலம் www.ssconline.nic.in என்ற ஆணையத்தின் வலைத்தளத்தில் வருகிற 30-ந்தேதி மாலை 5 மணி வரை விண்ணப்பிக்கலாம். தேர்வுகள் வருகிற அக்டோபர் மாதம் 27, 29, 30 ஆகிய தேதிகளில் நடைபெறும். இவ்வாறு அதில் கூறப்பட்டுள்ளது.

No comments:

Post a Comment

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||