அரசு மேல்நிலைப் பள்ளிகளில் தற்காலிகமாக 1,474 முதுகலை பட்டதாரி ஆசிரியர்களை நியமிக்க அனுமதி மாதம் ரூ.7,500 தொகுப்பூதியம் வழங்கப்படும்

அரசு மேல்நிலைப் பள்ளிகளில் தொகுப்பூதிய அடிப்படையில் 1,474 தற்காலிக முதுகலை பட்டதாரி ஆசிரியர்களை நியமித் துக்கொள்ள அரசு அனுமதி வழங்கியுள்ளது. இதுதொடர்பாக பள்ளிக் கல்வி இயக்குநர் வி.சி.ராமேஸ்வர முருகன், அனைத்து மாவட்ட முதன்மை கல்வி அதிகாரிகளுக்கு அனுப்பியுள்ள ஒரு சுற்றறிக்கையில் கூறியிருப்பதாவது: அரசு மற்றும் நகராட்சி மேல் நிலைப் பள்ளிகளில் காலியாக வுள்ள முதுகலை பட்டதாரி ஆசிரியர் பணியிடங்களை ஆசிரியர் தேர்வு வாரியம் மூலம் நிரப்ப சிறிது காலம் ஆகக்கூடும் என்பதால் பிளஸ் 1, பிளஸ் 2 மாணவர்கள் நலன் கருதி முதுகலை ஆசிரியர் பணியிடங்களை தொகுப்பூதிய அடிப்படையில் பெற்றோர் ஆசிரி யர் கழகம் மூலம் உடனடியாக நிரப்பிக்கொள்ள அரசு அனுமதி அளித்துள்ளது. அதன் அடிப்படையில், அரசு மேல்நிலைப் பள்ளிகளில் காலியாக வுள்ள 1,474 முதுகலை ஆசிரியர் பணியிடங்கள் ஆசிரியர் தேர்வு வாரியம் மூலம் நிரப்பப்படும் வரை செப்டம்பர் முதல் அடுத்த ஆண்டு பிப்ரவரி முடிய 6 மாதங்களுக்கு மட்டும் தற்காலிக ஒப்பந்த அடிப்படையில் பெற்றோர் ஆசிரியர் கழகம் மூலமாக அந்தந்த பள்ளி அமைந்துள்ள பகுதி மற்றும் அருகில் உள்ள பகுதியில் உள்ள தகுதியுள்ள நபர்களை நியமிக்க அனுமதி அளிக்கப்படுகிறது. சம்பந்தப்பட்ட அரசு மேல் நிலைப் பள்ளியின் தலைமை ஆசிரியர், உதவி தலைமை ஆசிரியர், மூத்த முதுகலை பட்டதாரி ஆசிரியர் ஆகியோர் அடங்கிய குழு தகுதியான முதுகலை ஆசிரியர்களை (தமிழ், ஆங்கிலம், கணிதம், இயற்பியல், வேதியியல், உயிரியல், தாவரவியல், விலங்கி யல், வரலாறு, வணிகவியல், பொருளாதாரம் ஆகிய பாடங் களுக்கு மட்டும்) தேர்வுசெய்யும். இந்த நியமனம் முற்றிலும் தற் காலிகமானது என்பதை சம்பந்தப் பட்ட ஆசிரியர்களுக்கு தெரிவிக்க வேண்டும். தற்காலிக ஆசிரியர் களுக்கு பெற்றோர் ஆசிரியர் கழகம் மூலம் மாதம் ரூ.7,500 தொகுப்பூதியம் வழங்கப்படும். இவ்வாறு அதில் கூறப்பட்டுள் ளது. முதுகலை பட்டதாரிகள் வேதனை அனுமதிக்கப்பட்ட காலியிடங் களில் எண்ணிக்கையின்படி அதிகபட்சமாக நாகப்பட்டினம் மாவட்டத்தில் 135 காலியிடங்களும், வேலூரில் 120 காலியிடங்களும், திருவண்ணாமலையில் 117 காலியி டங்களும், திருவள்ளூரில் 106 காலி யிடங்களும் இடம்பெற்றுள்ளன. வாரம் 3 அரை நாள் வீதம் மாதத்தில் மொத்தமாக வெறும் 6 நாட்கள் மட்டுமே பணியாற்றி வரும் பகுதிநேர சிறப்பாசிரியர்களுக்கு (தையல், ஓவியம், உடற்கல்வி) ரூ.7,700 தொகுப்பூதியம் வழங்கப் பட்டு வரும் நிலையில், முதுகலை பட்டப்படிப்பு மற்றும் பிஎட் முடித்துவிட்டு மாதம் முழுவதும் பணியாற்ற உள்ள தற்காலிக முதுகலை ஆசிரியர்களுக்கு வெறும் ரூ.7,500 தொகுப்பூதியம் நிர்ணயித்திருப்பது பிஎட் முடித் துள்ள முதுகலை பட்டதாரிகளை கடும் வேதனையில் ஆழ்த்தி யுள்ளது. தொகுப்பூதியத்தை குறைந்த பட்சம் ரூ.20 ஆயிரமாக உயர்த்தி வழங்க வேண்டும் என்று பள்ளிக் கல்வித் துறைக்கு அவர்கள் வேண்டுகோள் விடுத்தனர்.

1 comment:

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||