Follow by Email

Friday, 21 September 2018

உரிமையியல் நீதிபதி பதவிக்கான நேர்முகத்தேர்வு செப்.27-ல் தொடக்கம் டிஎன்பிஎஸ்சி அறிவிப்பு

உரிமையியல் நீதிபதி பதவிக்கான நேர்முகத்தேர்வு செப்டம்பர் 27-ம் தேதி தொடங்கி அக்டோபர் 5-ம் தேதி வரை நடைபெறும் என டிஎன்பிஎஸ்சி அறிவித்துள்ளது. இதுதொடர்பாக டிஎன்பிஎஸ்சி செயலாளர் கே.நந்தகுமார் நேற்று வெளியிட்ட செய்திக்குறிப்பில் கூறியிருப்பதாவது: 320 காலிப் பணியிடங்கள் 2014 - 2015 மற்றும் 2016 - 2017-ம் ஆண்டுக்கான தமிழ்நாடு மாநில நீதிப்பணியில் அடங்கிய உரிமையியல் நீதிபதி பதவியில் அடங்கிய 320 காலிப் பணியிடங் களை நிரப்பும் பொருட்டு கடந்த ஆகஸ்டு 11, 12-ம் தேதிகளில் எழுத்துத்தேர்வு நடத்தப்பட்டது. இதைத்தொடர்ந்து, நேர்காணல் தேர்வுக்கு தகுதியுள்ள விண்ணப்ப தாரர்கள் அழைக்கப்பட்டுள்ளனர். நேர்முகத்தேர்வு, செப்டம்பர் 27 முதல் அக்டோபர் 5-ம் தேதி வரை சென்னையில் உள்ள டிஎன் பிஎஸ்சி அலுவலகத்தில் நடை பெறும். நேர்முகத்தேர்வுக்கு அழைக்கப்பட்டுள்ள விண்ணப்ப தாரர்களுக்கு இதற்கான அழைப் புக்கடிதம் மின்னஞ்சல் மூலம் அனுப்பப்பபட்டுள்ளது. மேலும், அவர்களுக்கு குறுஞ்செய்தி (எஸ்எம்எஸ்) மூலமாகவும் தகவல் தெரிவிக்கப்பட்டு இருக்கிறது இதுதொடர்பான விவரங்கள் தேர்வாணையத்தின் இணைய தளத்திலும் (www.tnpsc.gov.in) பதிவேற்றம் செய்யப்பட்டுள்ளது. தகுதியுள்ள விண்ணப்பதாரர்கள், நேர்முகத்தேர்வுக்கான அழைப்புக் கடிதத்தை இணையதளத்தில் இருந்து பதிவிறக்கம் செய்து கொள்ளலாம். விண்ணப்பதாரர்கள், அவரவர் களுக்கு ஒதுக்கப்பட்டுள்ள நாளில் நேர்காணல் தேர்வில் கலந்து கொள்ள வேண்டும். மேலும், குறிப்பிட்ட நாள் மற்றும் நேரத்தில் நேர்காணலில் கலந்து கொள்ளத் தவறும் விண்ணப்பதார்களுக்கு மறு வாய்ப்பு வழங்கப்படாது. நேர்காணல் தேர்வுக்கு அழைக்கப் பட்டதாலேயே அவர்கள் தெரிவு செய்யப்பட முழுத்தகுதி பெற உறுதி அளிக்கப்பட்டதாக கருத இயலாது. இவ்வாறு அவர் கூறியுள்ளார்.

No comments:

Post a Comment

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||

Popular Posts