6, 9-ம் வகுப்புகளில் பிளாஸ்டிக் விழிப்புணர்வு பாடம் பள்ளிக்கல்வி அமைச்சர் செங்கோட்டையன் தகவல்

6, 9-ம் வகுப்பு பாடத்திட்டத்தில் பிளாஸ்டிக் விழிப்புணர்வு குறித்த பாடம் சேர்க்கப்படும் என பள்ளிக்கல்வி அமைச்சர் கே.ஏ.செங்கோட்டையன் தெரிவித்தார். இதுதொடர்பாக சென்னையில் செய்தியாளர்களிடம் நேற்று அவர் கூறியதாவது:- ஒருமுறை பயன்படுத்தக்கூடிய பிளாஸ்டிக் பொருட்களுக்கு ஜனவரி 1-ம் தேதியிலிருந்து தமிழக அரசு தடை விதித்துள்ளது. இதுகுறித்து பள்ளி மாணவர்களுக்கு விழிப்புணர்வு ஏற்படுத்த முடிவு செய்துள்ளோம். அதன்படி, முதல்கட்டமாக ஒரு மாவட்டத்தில் 10 பள்ளிகள் வீதம் என்ற அடிப்படையில் தமிழகம் முழுவதும் 320 பள்ளிகளில் விழிப்புணர்வு பணி இன்னும் ஒரு வாரத்தில் தொடங்கப்படும். அப்போது, பிளாஸ்டிக் பயன்பாட்டினால் ஏற்படும் கேடுகள், அவற்றை தவிர்ப்பது எப்படி என்பது தொடர்பான கையேடுகள் மாணவர்களுக்கு வழங்கப்படும். இதைத்தொடர்ந்து அடுத்த கட்டமாக தனியார் பள்ளிகள் உட்பட அனைத்துப் பள்ளிகளிலும் இந்த விழிப்புணர்வு பணி மேற்கொள்ளப்படும். 6, 9-ம் வகுப்பு பாடத்திட்டத்தில், பிளாஸ் டிக் பயன்பாட்டினால் ஏற்படும் தீமைகள் குறித்த விழிப்புணர்வு பாடத்தை சேர்க்க வும் முடிவுசெய்துள்ளோம் என்றார்.

No comments:

Post a comment

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||