டிசம்பர் மாதம் நடத்தப்பட உள்ள அரசு ஊழியர்கள் துறைத் தேர்வுகளுக்கான கட்டணத்தை ஆன்லைனில் செலுத்தலாம் டிஎன்பிஎஸ்சி அறிவிப்பு

டிசம்பர் மாதம் நடத்தப்பட உள்ள அரசு ஊழியர்களுக்கான துறைத் தேர்வுகளில் தேர்வுக்கட்டணத்தை ஆன்லைனில் செலுத்தும் வசதி அறிமுகப்படுத்தப்படுவதாக டிஎன்பிஎஸ்சி அறிவித்துள்ளது. இதுதொடர்பாக தமிழ்நாடு அரசு பணியாளர் தேர்வாணையத்தின் (டிஎன்பிஎஸ்சி) தேர்வு கட்டுப்பாட்டு அதிகாரி இரா.சுதன் நேற்று வெளியிட்ட செய்திக்குறிப்பில் கூறியிருப்பதாவது: அரசு ஊழியர்களுக்கான துறைத்தேர்வுகள் டிசம்பர் 22 முதல் 30-ம் தேதி வரை (25-ம் தேதி கிறிஸ்துமஸ் விடுமுறை நீங்கலாக) நடைபெற உள்ளன. வழக்கமாக துறைத்தேர்வுக்கு ஆன்லைன் விண்ணப்பத்தில் அஞ்சலக செலானுடன் ஆளறிச்சான்றிதழை பதிவேற்றம் செய்ய வேண்டும். தற்போது அதற்கு பதிலாக முற்றிலும் ஆன்லைன்வழி விண்ணப்பமுறை அறிமுகப்படுத்தப்படுகிறது. அதன்படி, அஞ்சலக செலானுக்குப் பதிலாக தேர்வுக்கட்டணத்தை நெட் பேங்கிங் அல்லது டெபிட் கார்டு, கிரெடிட் கார்டு மூலமாக செலுத்திவிடலாம். துறைத்தேர்வுகளுக்கு விண் ணப்பிக்க விரும்புவோர் தேர் வாணை இணையதளத்தில் (www.tnpsc.gov.in) வெளியிடப்பட்டுள்ள துறைத்தேர்வு விதிமுறைகள், கால அட்டவணை மற்றும் அனுமதிக்கப்பட்ட புத்தகங்களின் விவரங்களை அறிந்து கொள்ள லாம். www.tnpscexam.net, www.tnpscexam.in ஆகிய இரு இணைய தளங்கள் மூலமாக துறைத்தேர்வு களுக்கு விண்ணப்பிக்கலாம். தேர்வுக்கூட நுழைவுச்சீட்டையும் இணையதளத்தில் இருந்து பதிவிறக்கம் செய்து கொள்ள லாம். இவ்வாறு அவர் கூறியுள்ளார்.

1 comment:

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||