Follow by Email

Friday, 28 December 2018

ரெயில்வேயில் பணிபுரிய 14 ஆயிரம் என்ஜினீயர்களுக்கு வேலைவாய்ப்பு

இந்தியன் ரெயில்வேயில் பணிபுரிவதற்கு டிப்ளமோ மற்றும் டிகிரி படித்த 14 ஆயிரத்து 33 என்ஜினீயர்களுக்கு வேலைவாய்ப்பு அறிவிக்கப்பட்டுள்ளது. ரெயில்வேயில் 13 ஆயிரத்து 34 இளநிலை பொறியாளர்கள், 49 இளநிலை பொறியாளர்கள்(தகவல் தொழில்நுட்பம்), 456 டெப்போ பொருட்கள் கண்காணிப்பாளர்கள், 494 ரசாயனம் மற்றும் உலோகவியல் உதவியாளர்கள் ஆக மொத்தம் 14 ஆயிரத்து 33 பதவிகளுக்கான விண்ணப்பங்கள் கோரப்பட்டுள்ளது. இந்த பணி இடங்கள் பல்வேறு மண்டல ரெயில்வே மற்றும் உற்பத்தி பிரிவில் காலியாக இருக்கின்றன. இதற்கான விண்ணப்பங்களை ‘ஆன்-லைன்’ மூலம் வருகிற 31.1.2019 அன்று நள்ளிரவு 11.59 மணிக்குள் அனுப்ப வேண்டும். இந்த பதவிகளுக்கான வயது வரம்பு 1.1.2019 அன்றைய நிலவரப்படி 18 வயது முதல் 33 வயதுக்குள் இருக்க வேண்டும். இவர்களுக்கு சம்பளம் ரூ.35 ஆயிரத்து 400 மற்றும் அலவன்சுகள் கிடைக்கும். இளநிலை பொறியாளர்களுக்கு ரெயில்வே தேர்வு வாரியத்தின் இணையதளத்தில் தெரிவிக்கப்பட்டுள்ள குறிப்பிட்ட பதவிகள் அடிப்படையில் பொறியியலில் டிப்ளமோ மற்றும் டிகிரி பட்டப் பிரிவுகளில் பாடங்கள் படித்திருக்க வேண்டும். டெப்போ பொருட்கள் கண்காணிப்பாளர் பதவிக்கு பொறியியலில் எந்த பாடத்திலும் டிப்ளமோ, டிகிரி படித்திருக்க வேண்டும். இளநிலை பொறியாளர் பதவிக்கு (தகவல் தொழில்நுட்பம்) கம்ப்யூட்டர் அறிவியல் முதுகலை டிப்ளமோ, பி.எஸ்.சி. பட்டப்படிப்பு, கம்ப்யூட்டர் படிப்பில் பட்டப்படிப்பு, பி.டெக். தகவல் தொழில்நுட்பம், பி.டெக். கம்ப்யூட்டர் அறிவியல் போன்ற படிப்புகளை படித்திருக்க வேண்டும். ரசாயனம் மற்றும் உலோகவியல் உதவியாளர் பணிக்கு பவுதீகம் மற்றும் ரசாயனத்துடன் கூடிய அறிவியல் பட்ட படிப்பு படித்திருக்க வேண்டும். குறைந்தது 45 சதவீதம் மதிப்பெண் பெற்றிருக்க வேண்டும். இந்த பதவிக்கு எல்லாம் 2 கட்ட கம்ப்யூட்டர் அடிப்படையிலான தேர்வுகள் மற்றும் அதைத்தொடர்ந்து சான்றிதழ் சரிபார்ப்பு மற்றும் மருத்துவ பரிசோதனை நடைபெறும். இந்த தேர்வு குறித்து முழுமையான விவரங்கள் மற்றும் ‘ஆன்-லைன்’ விண்ணப்பத்திற்கான வழிமுறைகளை ரெயில்வே தேர்வு வாரியத்தின் இணையதளத்துக்கு சென்று பார்க்கலாம். அதன்படி சென்னைக்கு www.rrbchennai.gov.in , பெங்களூருவுக்கு www.rrbbnc.gov.in, திருவனந்தபுரத்துக்கு www.rrbthiruvananthapuram.gov.in ஆகிய இணையதள முகவரிகளை பார்வையிடலாம். மேற்கண்ட தகவல் மத்திய ரெயில்வே தேர்வு வாரியம் வெளியிட்ட அறிவிப்பில் கூறப்பட்டுள்ளது.

No comments:

Post a Comment

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||

Popular Posts