TRB POLYTECHNIC LECTURERS NOTIFICATION 2019 | அரசு பாலிடெக்னிக் கல்லூரி விரிவுரையாளர் தெரிவு 2017 - 18 காலிப் பணியிடங்கள் நிரப்புவதற்கான அறிவிக்கை (Notification) ஆசிரியர் தேர்வு வாரிய இணையதளத்தில் வெளியிடப்பட்டுள்ளது.

Direct Recruitment for the post of Block Educational Officer in Elementary Education department for the year 2018-2019
ஆசிரியர் தேர்வு வாரியம், சென்னை -06 பத்திரிக்கைச் செய்தி
  • அரசு பாலிடெக்னிக் கல்லூரி விரிவுரையாளர் தெரிவு 2017 - 18 காலிப் பணியிடங்கள் நிரப்புவதற்கான அறிவிக்கை (Notification) ஆசிரியர் தேர்வு வாரிய இணையதளத்தில் (www.trb.tn.nic.in) 27.11.2019 இன்று வெளியிடப்பட்டுள்ளது. 
  • அரசு பாலிடெக்னிக் கல்லூரி விரிவுரையாளர் காலிப் பணியிடங்களுக்கு விண்ணப்பிக்க விரும்புவோர் இணையவழியில் மட்டுமே விண்ணப்பிக்கலாம். 
  • கணினியில் Online மூலம் விண்ணப்பிப்பதற்கான தேதி மற்றும் விண்ணப்ப கடைசி தேதி பின்னர் அறிவிக்கப்படும். 
  • மேற்கண்ட அறிவிக்கை சார்ந்த முழு விவரங்கள் ஆசிரியர் தேர்வு வாரிய இணையதளத்தில் வெளியிடப்பட்டுள்ளது.
  • TRB POLYTECHNIC LECTURERS NOTIFICATION 2019 | DOWNLOAD
  • TRB POLYTECHNIC LECTURERS SYLLABUS 2019 | DOWNLOAD


TRB BEO NOTIFICATION 2019 | வட்டாரக் கல்வி அலுவலர் தெரிவு 2018 - 2019 காலிப் பணியிடங்கள் நிரப்புவதற்கான அறிவிக்கை (Notification) ஆசிரியர் தேர்வு வாரிய இணையதளத்தில் வெளியிடப்பட்டுள்ளது.

Direct Recruitment for the post of Block Educational Officer in Elementary Education department for the year 2018-2019
ஆசிரியர் தேர்வு வாரியம், சென்னை -06 பத்திரிக்கைச் செய்தி 
  • வட்டாரக் கல்வி அலுவலர் தெரிவு 2018 - 2019 காலிப் பணியிடங்கள் நிரப்புவதற்கான அறிவிக்கை (Notification) ஆசிரியர் தேர்வு வாரிய இணையதளத்தில் (வட்டாரக் கல்வி அலுவலர் தெரிவு 2018 - 2019 காலிப் பணியிடங்கள் நிரப்புவதற்கான அறிவிக்கை (Notification) ஆசிரியர் தேர்வு வாரிய இணையதளத்தில் (www.trb.tn.nic.in) 27.11.2019 இன்று வெளியிடப்பட்டுள்ளது. 
  • வட்டாரக் கல்வி அலுவலர் காலிப் பணியிடங்களுக்கு விண்ணப்பிக்க விரும்புவோர் இணையவழியில் மட்டுமே விண்ணப்பிக்கலாம். கணினியில் Online மூலம் விண்ணப்பிப்பதற்கான தேதி மற்றும் விண்ணப்ப கடைசி தேதி பின்னர் அறிவிக்கப்படும். 
  • மேற்கண்ட அறிவிக்கை சார்ந்த முழு விவரங்கள் ஆசிரியர் தேர்வு வாரிய இணையதளத்தில் வெளியிடப்பட்டுள்ளது. 
  • TRB BEO NOTIFICATION 2019 | DOWNLOAD
  • TRB BEO SYLLABUS 2019 | DOWNLOAD

பள்ளிக்கல்வி துறை ஆணையர் பொறுப்பு ஏற்பு ஆணையர் பதவி உருவாக்கப்பட்டது ஏன்? அரசாணையில் விளக்கம்

புதிதாக உருவாக்கப்பட்டுள்ள பள்ளிக்கல்வி துறை ஆணையராக சிஜி தாமஸ் வைத்யன் பொறுப்பு ஏற்றார். அந்த பதவி உருவாக்கப்பட்டது ஏன்? என்பது குறித்து அரசாணை வெளியிடப்பட்டு இருக்கிறது.

தமிழக பள்ளிக்கல்வி துறை ஆணையராக சிஜி தாமஸ் வைத்யன் நியமிக்கப்படுவதாக கடந்த 14-ந் தேதி அரசாணை வெளியிடப்பட்டது. இந்த பதவி புதிதாக ஏற்படுத்தப்பட்டது ஆகும்.

புதிதாக நியமிக்கப்பட்ட சிஜி தாமஸ் வைத்யன் சென்னை தலைமைச் செயலகத்தில் நேற்று பிற்பகல் பள்ளிக்கல்வி துறை ஆணையராக பொறுப்பு ஏற்றுக்கொண்டார். அவருக்கு கல்வித்துறை இயக்குநர்கள், அதிகாரிகள், ஆசிரியர் சங்க நிர்வாகிகள் வாழ்த்து தெரிவித்தனர்.

பள்ளிக்கல்வி துறையின் புதிய ஆணையருக்கான அறை சென்னை நுங்கம்பாக்கத்தில் உள்ள டி.பி.ஐ. வளாகத்தில் பள்ளிக்கல்வி இயக்குனர் அலுவலகம் அருகே ஒதுக்கப்பட்டுள்ளது. அங்கிருந்தபடி, ஆணையர் பணிகளை மேற்கொள்ள உள்ளார். டி.பி.ஐ. வளாகத்தில் பள்ளிக்கல்வி துறைக்கு என்று புதிதாக அலுவலகங்கள் வர உள்ளன. அதற்கான கட்டிட பணிகள் நடைபெற்று வருகிறது. அந்த பணிகள் முடிந்ததும், அதில் பள்ளிக்கல்வி ஆணையருக்கு தனியாக அறை ஒதுக்கப்பட உள்ளது குறிப்பிடத்தக்கது.

இதுதொடர்பாக பள்ளிக்கல்வி துறை முதன்மை செயலாளர் பிரதீப் யாதவ் வெளியிட்டுள்ள அரசாணையில் கூறப்பட்டு இருப்பதாவது:-

தமிழகத்தில் உள்ள பள்ளிகளின் கற்பித்தல் செயல்பாட்டை மேம்படுத்தவும், பள்ளிக்கல்வியில் நடைமுறையில் உள்ள திட்டங்கள் மற்றும் இனி அறிமுகப்படுத்தப்படும் திட்டங்கள் முறையாக செயல்படுத்தப்படுகிறதா? என்பதை கண்காணிக்கவும் பள்ளிக்கல்வி துறை ஆணையர் என்ற பதவி உருவாக்கப்பட்டுள்ளது.

ஆணையராக நியமிக்கப்பட்டுள்ள சிஜி தாமஸ் வைத்யன் பள்ளிக்கல்வியின் தரத்தை மேம்படுத்தும் வகையில் செயல்படுவார். பள்ளிக்கல்வி இயக்ககம், தொடக்கக்கல்வி இயக்ககம், மெட்ரிகுலேசன் பள்ளி இயக்ககம், அரசு தேர்வுத்துறை இயக்ககத்தை ஒருங்கிணைத்து, சீரான நிர்வாகத்தை வழங்க அவர் முயற்சி மேற்கொள்வார்.

பள்ளிகள் மற்றும் பள்ளிக்கல்வி துறையின் திட்டங்களை களத்துக்கு நேரடியாக சென்று ஆய்வு செய்வதும் ஆணையரின் செயல்பாடுகள் ஆகும். பள்ளிக்கல்வி துறையில் நிலுவையில் உள்ள வழக்குகள் மற்றும் மேல்முறையீடு ஆகியவையும் இனி ஆணையரின் சார்பாகவே மேற்கொள்ளப்படும்.

இவ்வாறு அதில் தெரிவிக்கப்பட்டுள்ளது.


அனைத்து பள்ளிகளிலும் வகுப்பு இடைவெளியில் மாணவர்கள் தண்ணீர் குடிக்க 10 நிமிடம் ஒதுக்கீடு

மாணவர்களின் தண்ணீர் குடிக்க அனைத்து பள்ளிகளிலும் வகுப்பு இடைவெளியில் 10 நிமிடம் ஒதுக்கீடு செய்யப்பட்டுள்ளது என அமைச்சர் செங்கோட்டையன் தெரிவித்தார்.

பள்ளிக்கல்வி துறை சார்பில் குழந்தைகள் தின விழா மற்றும் டாக்டர் எஸ்.ஆர். அரங்கநாதன் விருது வழங்கும் விழா சென்னை சாந்தோமில் உள்ள செயின்ட் பீட்டர்ஸ் மேல்நிலைப்பள்ளி வளாகத்தில் நேற்று நடைபெற்றது.

விழாவுக்கு பள்ளிக்கல்வி துறை அமைச்சர் கே.ஏ.செங்கோட்டையன் தலைமை தாங்கினார். மீன்வளத்துறை அமைச்சர் டி.ஜெயக்குமார் விழா சிறப்புரையாற்றினார். பள்ளிக்கல்வி இயக்குனர் ச.கண்ணப்பன் வரவேற்றார்.

இதில் தமிழ்நாடு பாடநூல் மற்றும் கல்வியியல் பணிகள் கழக தலைவர் பா.வளர்மதி, பள்ளிக்கல்வி துறை முதன்மை செயலாளர் பிரதீப் யாதவ், எம்.எல்.ஏ.க்கள் ஆர்.நடராஜ், விருகை வி.என்.ரவி, ஆசிரியர் தேர்வு வாரிய தலைவர் ஜி.லதா உள்பட பலர் கலந்து கொண்டனர்.

விழாவில், மாணவ-மாணவிகளின் கண்கவர் கலை நிகழ்ச்சிகள் அரங்கேற்றப்பட்டன. அதனைத் தொடர்ந்து நடத்தப்பட்ட பல்வேறு போட்டிகளில், வெற்றி பெற்ற மாணவ-மாணவிகளுக்கு பரிசுகள் வழங்கப்பட்டன.

மேலும், சென்னை கன்னிமாரா பொது நூலகக்குறிப்பு உதவியாளர் லோ.புகழானந்த் உள்பட 33 பேருக்கு நூலக பணியில் சிறப்பாக தொண்டு செய்ததற்காக டாக்டர் எஸ்.ஆர். அரங்கநாதன் விருதும் வழங்கப்பட்டன. இவற்றை அமைச்சர்கள் செங்கோட்டையன், ஜெயக்குமார் இணைந்து வழங்கினார்கள்.

முன்னதாக, பள்ளிக்கல்வி துறை அமைச்சர் கே.ஏ.செங்கோட்டையன் பேசியதாவது:-

எதிர்கால இந்தியாவை உருவாக்கும் வல்லமை மாணவர்களுக்கு தான் உள்ளது. இந்த மாத இறுதியில் மேல்நிலை மற்றும் உயர்நிலைப்பள்ளிகள் அனைத்தும் கணினி மயமாக்கப்படும். அதேபோல் பள்ளிகளுக்கு 90 ஆயிரம் ஸ்மார்ட் போர்டுகள் அடுத்த மாதம் (டிசம்பர்) வழங்கப்பட உள்ளன.

7 ஆயிரத்து 500 பள்ளிகளில் 6 முதல் 8-ம் வகுப்பு வரையில் ‘ஸ்மார்ட் கிளாஸ்’ முறையும் அடுத்த மாதம் நடைமுறைப்படுத்தப்படும். அடுத்த ஆண்டு ஜனவரி 1-ந்தேதிக்குள் ‘அட்டல் டிங்கர் லேப்’ 1,500 பள்ளிகளில் கொண்டு வரப்பட உள்ளது. பள்ளிக்கல்வி துறை சார்பில் 413 மையங்களில் நீட், ஜே.இ.இ. போன்ற போட்டி தேர்வுகளுக்கு இலவச பயிற்சி அளிக்கப்பட்டு வருகிறது.

அதன் தொடர்ச்சியாக பிளஸ்-2 முடிக்கும் மாணவர்களுக்கு சி.ஏ. படிப்புக்கான பயிற்சி கொடுக்கவும் அரசு நடவடிக்கை எடுத்து வருகிறது. சுமார் 500 சி.ஏ. பயிற்சியாளர்களை கொண்டு இந்த பயிற்சி அளிக்கப்படும்.

அதேபோல், பிளஸ்-2 படிக்கும் மாணவர்களுக்கு விடுமுறை நாட்களில் தொழிற்கல்வி கற்றுக்கொடுக்கவும் திட்டமிடப்பட்டு உள்ளது. இதன் மூலம் எதிர்காலத்தில் வேலைவாய்ப்பு இல்லை என்ற நிலையை தமிழகத்தில் உருவாக்க முடியும்.

இவ்வாறு அவர் பேசினார்.

விழா முடிந்ததும் அமைச்சர் செங்கோட்டையன் நிருபர்களிடம் கூறியதாவது:-

பள்ளிகளில் ஒவ்வொரு வகுப்பும் முடிந்த பிறகும் அந்த இடைவெளியில் மாணவர்கள் தண்ணீர் குடிக்க 10 நிமிடம் ஒதுக்கப்படும். இதுதொடர்பான அறிவிப்பு அனைத்து பள்ளிகளுக்கும் அனுப்பப்படும்.

வகுப்பு முடிந்ததும் நீர் குடிக்கும்போது மாணவர்களின் உடல் ஆரோக்கியமாக இருக்கும் என்ற டாக்டர்களின் ஆலோசனைபடி இந்த திட்டம் கொண்டுவரப்படுகிறது.

5, 8-ம் வகுப்பு பொதுத்தேர்வு மாநில பாடத்திட்டத்தினை பின்பற்றுபவர்களுக்கு மட்டும் இல்லாமல், எல்லா பள்ளிகளுக்கும் பொருந்தும். ஒரு மாணவரின் கல்வித்திறன் எப்படி இருக்கிறது? என்பதை அறிந்து கொள்வதற்காக தான் இது கொண்டு வரப்பட்டுள்ளது. மாணவர்களை கஷ்டப்படுத்துவது எங்களுடைய நோக்கம் அல்ல.

மாணவர்களின் இடைநிற்றல் என்ற அளவுக்கு அரசு அனுமதிக்காது. வினாக்கள் எளிதாகவே கேட்கப்படும். இதன் மூலம் ஏழை-எளிய மாணவர்கள் சிறந்த கல்வியை பெறமுடியும். 5-ம் வகுப்பு மாணவர்களுக்கு காலை, மாலை சிறப்பு வகுப்பு நடத்த வேண்டும் என்று வந்து இருக்கும் சுற்றறிக்கை தவறு.

இவ்வாறு அவர் கூறினார்.


அரசு பள்ளிகளை மேம்படுத்துவதற்காக பொதுமக்களிடம் நிதி திரட்ட புதிய இணையதளம் எடப்பாடி பழனிசாமி தொடங்கி வைத்தார்.

அரசு பள்ளிகளின் உள்கட்டமைப்பை மேம்படுத்துவதற்காக பொதுமக்களிடம் நிதி திரட்டுவதற்காக புதிய இணையதளத்தை முதல்-அமைச்சர் எடப்பாடி பழனிசாமி தொடங்கி வைத்தார்.

தமிழக அரசு வெளியிட்ட செய்திக்குறிப்பில் கூறப்பட்டு இருப்பதாவது:-

இந்திய நிறுவனச்சட்டம் 2019-ன் படி, பெரிய தொழில் நிறுவனங்கள் மற்றும் வணிக நிறுவனங்கள் அவற்றின் லாபத்தில் இரண்டு சதவீத தொகையை சமூக பொறுப்பு செயல்பாடுகளில் பயன்படுத்த வேண்டும்.

பெரும்பாலான நிறுவனங்கள் அரசு சாரா தொண்டு நிறுவனங்களின் உதவியுடனோ, நேரடியாகவோ பள்ளிகளை தேர்ந்தெடுத்து, அங்கு உள்கட்டமைப்பு வசதிகளை மேம்படுத்த நிதி உதவி செய்கின்றன. இதேபோல் முன்னாள் மாணவர்கள் பலரும் தாங்கள் படித்த அரசு பள்ளிகளை மேம்படுத்துவதற்கு உதவி செய்யும் ஆர்வத்துடன் உள்ளனர்.

இத்தகைய நிறுவனங்களுக்கும், ஆர்வலர்களுக்கும் உதவிடும் வகையில் எளிமையான, நம்பகமான இணையதளமோ அல்லது வேறு வழித் தடங்களோ இதுவரை ஏற்படுத்தப்படவில்லை.

இதனால் அரசு பள்ளிகளுக்கு இவர்கள் செய்த உதவிகளும் இதுவரை வெளிச்சத்திற்கு வரவில்லை. அதேபோன்று, அரசு பள்ளிகளுக்கு தொடர்ச்சியாக உதவுகின்ற தனிநபர்கள், நிறுவனங்கள் ஆகியவற்றின் தகவல் தொகுப்பையும் பெறமுடியவில்லை.

இக்குறைகளை களையும் வகையில் மேற்கண்டவர்களின் மூலம் இணையவழி நிதி திரட்டும் முகமையை ( https://contribute.tnschools.gov.in ) பள்ளி கல்வித்துறை உருவாக்கியுள்ளது. இந்த இணையதளத்தை தலைமைச் செயலகத்தில் முதல்-அமைச்சர் எடப்பாடி பழனிசாமி தொடங்கி வைத்தார்.

இந்த இணைய முகமை நம்பகத்தன்மை வாய்ந்தது என்பதால், அதிக எண்ணிக்கையிலான தன்னார்வலர்களும், நிறுவனங்களும் ஆர்வத்துடன் பங்களிக்க முன்வருவார்கள். வெளிப்படைத்தன்மையின் காரணமாக அரசு பள்ளிகளின் முன்னேற்றத்திற்கு பொதுமக்களின் பங்களிப்பும் அதிகரிக்கும்.

இதன்மூலம் இரண்டு சதவீத சி.எஸ்.ஆர். நிதியைப் பெறவும் வாய்ப்புகள் ஏற்படும். நன்கொடைகளுக்கு வரிவிலக்கு அளிக்கப்படுவதால், பலர் அதிகளவில் தங்களது பங்களிப்பை அளிக்க முன்வருவர். மேலும், அரசு பள்ளிகளின் முன்னாள் மாணவர்களின் தகவல் தொகுப்பையும் உருவாக்க இயலும்.

இணையவழியில் திரட்டப்படும் நிதியானது, அதற்கென தொடங்கப்பட்டுள்ள தனி வங்கி கணக்கில் பெறப்படுவதுடன், அந்த நிதி தொடர்பான விவரங்களை பொதுமக்கள் இணையவழியில் நேரடியாக அறிந்து கொள்ளும் வசதியும் செய்யப்பட்டுள்ளது.

இவ்வாறு திரட்டப்படும் நிதிக்கு தமிழ்நாடு பெற்றோர் ஆசிரியர் கழகம் தொடர்பு அலுவலகமாக செயல்படும். அக்கழகத்தின் பொருளாளரும், செயலாளரும் தொடர்பு அலுவலர்களாக இருந்து நிதி மேலாண்மை செய்வார்கள்.

மேலும், இணைய வழிக்கற்றலுக்கு உதவும் டிக்‌ஷா இணையதளத்தில், தமிழகமானது 313 பாடப்புத்தகங்களில், 9,064 விரைவு துலங்கல் குறியீடு (கியூ.ஆர். கோட்) மூலம் 10 ஆயிரத்து 199 கற்றல் வளங்கள் இணைக்கப்பட்டுள்ளன.

இதுவரை இத்தளத்தினை 4.92 கோடி பேர் ஸ்கேன் செய்தும், 2.39 கோடி பேர் தரவிறக்கம் செய்தும் பயன்படுத்தியுள்ளனர். டிக்‌ஷா செயலியை பயன்படுத்துவதில் சிறந்த நான்கு மாநிலங்களுள் ஒன்றாக தமிழகம் இருப்பதாக தெரிவித்து தமிழகத்துக்கு முன்னோடி மாநிலத்திற்கான விருதை வழங்கி மத்திய அரசு வழங்கி கவுரவித்துள்ளது.

இணையதள தொடக்க விழா நிகழ்ச்சியில் பள்ளி கல்வித்துறை அமைச்சர் கே.ஏ.செங்கோட்டையன், தமிழ்நாடு பாடநூல் மற்றும் கல்வியியல் பணிகள் கழகத்தின் தலைவர் பா.வளர்மதி, தலைமைச் செயலாளர் க.சண்முகம், பள்ளி கல்வித்துறையின் முதன்மைச் செயலாளர் பிரதீப் யாதவ் உள்பட பலர் கலந்து கொண்டனர்.

இவ்வாறு அதில் கூறப்பட்டுள்ளது.