Kalvisolai New | Kalvisolai News | Kalvisolai Employment | கல்விச்சோலை

பள்ளிக்கல்வி இயக்குநராக எஸ்.கண்ணப்பன் நியமிக்கப்பட்டுள்ளார். பள்ளிக்கல்வி இயக்குனராக இருந்த வி.சி.ராமேஸ்வர முருகன் SCERT இயக்குநராகவும், SCERT இயக்குநராக இருந்த கண்ணப்பன் பள்ளிக்கல்வி இயக்குநராகவும் நியமித்து உத்தரவிடப்பட்டுள்ளது.இதற்கான உத்தரவை பள்ளிக் கல்வித்துறையின் முதன்மைச் செயலாளர் டி.சபீதா பிறப்பித்துள்ளார்.

அரசு மற்றும் அரசு உதவிபெறும் பள்ளிகளில் அனிமேஷன் வகுப்புகளுக்கு, சிறப்பு ஆசிரியர்களை நியமிக்க கல்வித்துறை திட்டமிட்டு உள்ளது.

பள்ளிக்கல்வித்துறையில் 50 நடுநிலைப் பள்ளிகளை உயர்நிலைப் பள்ளிகளாக தரம் உயர்த்தி ஆணை வெளியிடப்பட்டுள்ளது.

அரசு மேல்நிலைப்பள்ளிகளில் காலியாக உள்ள கணினி பயிற்றுநர் பணியிடங்களை ரூ 4000 தொகுப்பூதிய அடிப்படையில் நியமித்துக்கொள்ள அனுமதி வழங்கி தமிழக அரசு ஆணை பிறப்பித்துள்ளது.

தமிழகத்தில் 652 கணினி ஆசிரியர் பணிக்கு சான்றிதழ் சரிபார்ப்பு, மதுரை, திருச்சி, விழுப்புரம், சென்னை, சேலம் ஆகிய 5 இடங்களில் வரும் 24ம் தேதி தொடங்குகிறது. சான்றிதழ் சரிபார்ப்பிற்கு அழைக்கப்பட்டுள்ள அனைவருக்கும் அதற்கான அழைப்புக் கடிதம், சான்றிதழ் சரிபார்க்கும் இடம், நாள் உள்ளிட்ட விவரங்களுடன் ஆசிரியர் தேர்வு வாரிய trb.tn.nic.in இணையதளத்தில் பதிவேற்றம் செய்யப்பட உள்ளது. அதில் இருந்து தேர்வர்கள் பதிவிறக்கம் செய்து கொள்ளலாம் என ஆசிரியர் தேர்வு வாரியம் தெரிவித்துள்ளது.

அரசு கலை அறிவியல் கல்லூரிகளில் 1,095 உதவி பேராசிரியர்களை நியமிப்பதற்கான பணியை ஆசிரியர் தேர்வு வாரியம் மேற்கொண்டு வருகிறது. இந்நிலையில், 1.Economics, 2.Geography, 3.Commerce, 4.Commerce (CA), 5.Commerce (IB), 6. Commerce (E-com), 7.Business Administration, 8.Business Management, 9.Tamil, 10.Political Science, 11.Public Administration and 12.Physical Education. உட்பட 12 பாடங்களுக்கு வருகிற 12-ம் தேதி முதல் 19-ம் தேதி வரை நேர்காணல் நடத்தப்படும் என்று ஆசிரியர் தேர்வு வாரியம் அறிவித்துள்ளது. நேர்காணலுக்கு தகுதி பெற்றவர்களின் பட்டியல் ஆசிரியர் தேர்வு வாரியத்தின் trb.tn.nic.in இணையதளத்தில் பாடவாரியாக வெளியிடப்பட்டுள்ளது.